Get Latest Business, Political, Bollywood, Cricket, videos, photos, live news
Email: aptsbreakingnews@gmail.com

నిరుద్యోగుల ఆత్మహత్యలకు కారణం కేసీఆర్ : వైయస్ షర్మిల

ఖమ్మం జిల్లాలో నేడు వైయస్ షర్మిల తన పాదయాత్ర కొనసాగింది. ఈక్రమంలో తెలంగాణ సర్కారు ఫై నిప్పులు చెరిగింది. ఈరోజు ఖమ్మం జిల్లా పెనుబల్లి మండలం పాతకారాయి గూడెం లో వైయస్ షర్మిల నిరుద్యోగ దీక్ష చేపట్టారు. ఈ సందర్భంగా షర్మిల మాట్లాడుతూ..కెసిఆర్ ను ఎందుకు ముఖ్యమంత్రి చేశాము అని ప్రజలు తలలు పట్టుకుంటున్నారని ఆమె అన్నారు. కెసిఆర్ తన కోసం, తన కుటుంబం కోసం మాత్రమే పని చేస్తున్నారని విమర్శలు గుప్పించారు. ఇది బంగారు తెలంగాణ కాదు.. బీర్ల తెలంగాణ- బార్ల తెలంగాణ అయిందని ఎద్దేవా చేశారు.

నిరుద్యోగులు ఆత్మహత్యలు చేసుకుంటే కనీసం ఆ కుటుంబాలకు రాష్ట్ర ప్రభుత్వం భరోసా ఇవ్వలేదని షర్మిల ఆగ్రహం వ్యక్తం చేశారు. తెలంగాణాలో ఎందరో నిరుద్యోగులు ఆత్మహత్యలు చేసుకుంటున్నారని, దానికి కారణం  కేసీఆర్ కదా అని ప్రశ్నించారు. ఇవి ప్రభుత్వం చేస్తున్న హత్యలు కావా? ఈ పాపం ముమ్మాటికి కెసిఆర్ దే అని ఆరోపించారు. ప్రతి ఏడాది ఉద్యోగ నోటిఫికేషన్లు ఇచ్చి ఉంటే ఈ పరిస్థితి వచ్చేది కాదన్నారు.

Latest news