తెలంగాణాలో రెండు రోజులపాటు, జూలై 02, 03 తేదీల్లో బీజేపీ జాతీయ కార్యవర్గ సమావేశాలు జరగనున్నాయి. ఈ సమావేశాలు హైదరాబాద్ లోని హెచ్ఐసీసీలోని నోవాటెల్ లో జరుగనున్నాయి. అలాగే, జూలై 03న సాయంత్రం 6.30 గంటలకి పరేడ్ గ్రౌండ్ లో భారీ బహిరంగ సభ నిర్వహిస్తోంది. ప్రధాని నరేంద్ర మోడీ ఈ సభలో పాల్గొని ప్రసంగించనున్నారు. ఇక కేంద్ర మంత్రులు, బిజెపి అధికారంలో ఉన్న ఇతర రాష్ట్రాల ముఖ్యమంత్రులు ఈ సమావేశాలకు హాజరు కానున్నారు. ఈ క్రమంలో హైదరాబాద్ లో భారీ బందోబస్తు ఏర్పటు చేశారు. అలాగే ప్రధాని నరేంద్ర మోడీ పర్యటన వివరాలను విడుదల చేశారు.
హైదరాబాద్ లో మోడీ పర్యటన వివరాలు…
జులై 02 న
ప్రధాని మోడీ జులై 02 న 12 .45 నిమిషాలకు ఢిల్లీ ఎయిర్ పోర్ట్ నుండి హైదరాబాద్ కు బయలుదేరుతారు.
2 .55 బేగం పేట్ ఎయిర్ పోర్ట్ చేరుకుంటారు. అక్కడి నుండి
3.00కు బేగం పేట్ నుండి ప్రత్యేక హెలికాప్టర్ లో నోవాటెల్ కి వెళతారు.
3.20 HICC నోవాటెల్ కి ప్రధాని చేరుకుంటారు.
3.30 నోవాటెల్ కన్వేషన్ సెంటర్ కి
3.30 నుండి 4 గంటల వరకు రిజర్వ్.
సాయంత్రం 4 గంటలు నుండి రాత్రి 9 వరకు బీజేపీ జాతీయ కార్యవర్గ సమావేశానికి మోడీ హాజరు కానున్నారు.
రాత్రి 9 గంటలు నుండి రిజర్వ్.
జులై 03 న
ఉదయం 10 గంటల నుండి సాయంత్రం 4. 30 వరకు బీజేపీ కార్యవర్గ సమావేశంలో పాల్గొననున్నారు.
సాయంత్రం 4. 30 నుండి 5.40 వరకు రిజర్వ్.
సాయంత్రం 5.55 HiCC వద్ద హెలిప్యాడ్ వద్దకు చేరుకుని, అక్కడ నుండి
సాయంత్రం 6.15 నిమిషాలకు బేగంపేట ఎయిర్ పోర్ట్ కి చేరుకుంటారు.
6.30 నిమిషాలకి రోడ్డు మార్గాన పరేడ్ గ్రౌండ్ కు వస్తారు.
6.30 నుండి రాత్రి 7.30 వరకు బహిరంగ సభలో పాల్గొని ప్రసంగిస్తారు.
రాత్రి 7.35 గంటలకు బహిరంగ సభ నుండి నోవాటెల్ లేదా రాజ్ భవన్ వెళతారు. రాత్రికి అక్కడే మోడీ బస.
జులై 04 న
ఉదయం 9.20కు బేగంపేట ఎయిర్ పోర్ట్ కి మోడీ.
బేగంపేట నుండి విజయవాడకు ప్రత్యేక విమానంలో వెళతారు.
10.10 నిమిషాలకు విజయవాడ చేరుకోనున్నారు.
ఇందులో మార్పులు చేర్పులు కూడా జరిగే అవకాశం ఉందంటున్న పోలీసులు. హైదరాబాద్ లో పర్యటన సందర్భంగా.. సోషల్ మీడియాపైన ప్రత్యేక మానిటరింగ్ సెంటర్ ని ఏర్పాటు చేసినట్లు సైబరాబాద్ కమిషనర్ స్టీఫెన్ రవీంద్ర తెలిపారు. ఆ వింగ్ సోషల్ మీడియాలో పోస్టింగ్స్ ని ఎప్పటికప్పుడు చెక్ చేస్తూ ఉంటుందని అయన తెలిపారు.
