బిగ్ బాస్ ప్రియులు ఎప్పుడెప్పుగా అని ఎదురుచూస్తున్న ఆ క్షణం రానేవచ్చింది. బిగ్ బాస్ తెలుగు సీజన్ 8 మరికాసేపట్లో ప్రారంభం కానుంది. ఇప్పటికే తెలుగులో విజయవంతంగా 7 సీజన్స్ పూర్తి చేసుకున్న బిగ్ బాస్ షో.. ఈ సారి మరింత ప్రత్యేకంగా రంగంలోకి దిగుతోంది. ఈరోజు హౌస్ లోకి 14 మంది అడుగుపెట్టనున్నారు.. అందులో ఏడుగురు అమ్మాయిలు.. ఏడుగురు అబ్బాయిలు ఉండనున్నారు. అయితే ఈసారి హౌస్ లోకి సోలో ఎంట్రీ కాకుండా జంటగా పంపిస్తున్నారు. ప్రేరణ, యష్మి, బెజవాడ బేబక్క , కిరాక్ సీత, నైనిక, విష్ణుప్రియ, సోనియా ఆకుల, పృథ్వీరాజ్, నిఖిల్, నబీల్ అఫ్రిది, ఆదిత్య ఓం, శేఖర్ భాష, నాగ మణికంఠ, అభయ్ నవీన్ మరికాసేపట్లో హౌస్ లోకి వెళ్లనున్నట్లు సమాచారం. అయితే వీళ్లంతా కేవలం ప్రోమో ప్రకారం మాత్రమే తెలుస్తోంది. అయితే వీళ్లంతా జంటగా ఉంటారా..? లేదా ? తెలియాల్సి ఉంది. అయితే ఇదంతా పక్కన పెడితే ఇప్పుడు బిగ్బాస్ చివరి నిమిషంలో ఓ కంటెస్టెంట్ ఆగిపోయాడని తెలుస్తోంది.
మొత్తం 14 మందిలో నటుడు పరమేశ్వర్ హివ్రాలే పేరు కూడా గట్టిగా వినిపించింది. ప్రస్తుతం ఆయన ఆరోగ్యం బాగలేకపోవడంతో బిగ్బాస్ షో స్టార్ట్ కాకముందే చివరి నిమిషంలో ఆగిపోయాడట. చివరి నిమిషంలో అతడు తప్పుకున్నట్లు సమాచారం. గత పదేళ్లుగా పరమేశ్వర్ తెలుగు సినీరంగంలో ఉన్నాడు. చిన్న సినిమాల్లో నటించాడు. కానీ ఇప్పటివరకు అంతగా గుర్తింపు రాలేదు . చిరు గొడవలు, కుమారి 18+, లావణ్య విత్ లవ్ బాయ్స్, జాతీయ రహదారి లాంటి సినిమాల్లో నటించాడు. ఇల్లందు నుంచి ఐదుసార్లు ఎమ్మెల్యేగా గెలిచిన ప్రజా నాయకుడు గుమ్మడి నర్సయ్య బయోపిక్ కు దర్శకత్వం కూడా చేశాడు . దీంతో అతడి స్థానంలోకి యూట్యూబర్ నబీల్ అఫ్రిదిని తీసుకువస్తున్నారు. యూట్యూబర్ ఈ షోను ఎలా ఉపయోగించుకుంటారో చూడాలి.
