రామ్‌చరణ్ హీరోగా శంకర్ దర్శకత్వం వహిస్తున్న ‘గేమ్ ఛేంజర్‌’. పాన్ ఇండియా స్థాయిలో తెలుగు, తమిళ్, మలయాళం, కన్నడ, హిందీ భాషలలో విడుదల కానుంది. ఈ చిత్ర దర్శకుడు శంకర్ బిజీ షెడ్యూల్ కారణంగా షూటింగ్ ఆలస్యం అవుతు వస్తోంది. భారతీయుడు – 2 చిత్రం కారణంగానే ఈ చిత్రం వాయిదా పడుతూ వస్తుంది.
శంకర్ ప్రస్తుతం భారతీయుడు -2 ప్రమోషన్స్ లో బిజీ బిజీగా ఉన్నాడు. దానిలో భాగంగా హైదరాబాద్ లో జరిగిన ఇండియన్ – 2 ప్రీ రిలీజ్ ఈవెంట్ లో మాట్లాడుతూ ఎప్పటినుండో స్ట్రయిట్ సినిమా చేయాలనే కోరిక ఉందని, అది ‘గేమ్ ఛేంజర్‌’ తో తీరనుందని అన్నారు.
మంచి కథతో గేమ్ చెంజర్ చిత్రం రాబోతుంది, ఫ్యాన్స్ అంచనాలకు ఏ మాత్రం తగ్గకుండా తీస్తున్నామని అన్నారు. రామ్ చరణ్ అద్భుతమైన యాక్టర్, ఆయనలో కంట్రోల్ పవర్ ఉందని, ఈ చిత్రంలో సరికొత్త చరణ్ ను చూడబోతున్నారని తెలిపారు.
కాగా ‘గేమ్ ఛేంజర్‌’లో రామ్ చరణ్ పార్ట్ షూటింగ్ పూర్తి అయ్యిందని నిర్మాణ సంస్థ ప్రకటించింది. ఈమేరకు ఓ పోస్టర్ విడుదల చేసింది. మెగా పవర్ స్టార్ తో జర్నీ తమకు మర్చిపోలేని అనుభూతిని కలిగించింది. చరణ్ షూట్ స్టార్టింగ్ రోజు ఫోటో, లాస్ట్ రోజు షూట్ ముగించే ఫోటోను నిర్మాణ సంస్థ X ఖాతాకు జతచేసింది విడుదల చేసింది.
షూటింగ్ ముగించాం, త్వరలో మెగా బ్లాస్టింగ్ అప్ డేట్ తెలియజేస్తామని తెలిపింది. శ్రీ వెంకటేశ్వర క్రియేషన్స్ పతాకంపై దిల్ రాజు ఈ చిత్రాన్ని భారీ బడ్జెట్ తో నిర్మిస్తున్నారు. టోటల్ షూటింగ్ కొద్ది రోజులలో పూర్తి చేసి డిసెంబర్ నాటికి విడుదలకు సన్నాహాలు చేస్తున్నామని నిర్మాత దిల్ రాజు తెలిపారు.
