ఏపీకి తెలంగాణ సీఎం రేవంత్ రెడ్డి ఈరోజు వెళ్లనున్నారు. దివంగత సీఎం వైఎస్ రాజశేఖర్ రెడ్డి 75వ జయంతి కార్యక్రమానికి సీఎం రేవంత్ రెడ్డి హాజరు కానున్నారు. ఏపీ పీసీసీ అధ్యక్షురాలు వైఎస్ షర్మిల.. ఆహ్వానం మేరకు ఆయన ఈ కార్యక్రమానికి హాజరు కానున్నారు. గుంటూరు జిల్లా మంగళగిరిలోని సీకే కన్వెన్షన్ సెంటర్ లో ఈ కార్యక్రమం జరుగుతుంది. ఈకార్యక్రమం లో పాల్గొనేందుకు రేవంత్ రెడ్డి సోమవారం మధ్యాహ్నం 3.15 గంటలకు బేగంపేట నుంచి బయలుదేరి గన్నవరం ఎయిర్ పోర్టుకు చేరుకుంటారు. అక్కడి నుంచి రోడ్డు మార్గం గుండా మంగళగిరి కి చేరుకుంటారు. తిరిగి రాత్రి 7 గంటలకు హైదరాబాద్ కు బయలుదేరనున్నారు.
సీఎం రేవంత్ రెడ్డితో పాటు డిప్యూటీ సీఎం భట్టి విక్రమార్క, మంత్రులు పొంగులేటి, కోమటిరెడ్డి వెంకట్‌ రెడ్డి తదితరులు వెళుతున్నారు. తన తండ్రి రాజశేఖర్ రెడ్డి జయంతి వేడుకలకు హాజరుకావాలని సీఎం రేవంత్ రెడ్డి, ఉపముఖ్యమంత్రి మంత్రులను ఏపీ పీసీసీ అధ్యక్షురాలు వైఎస్ షర్మిల ఆహ్వానించారు. కాగా.. ఈ కార్యక్రమాన్ని ఆంధ్రప్రదేశ్ కాంగ్రెస్ కమిటీ నిర్వహిస్తోంది.
