తెదేపా అధినేత చంద్రబాబు నాయుడు కొద్దిసేపటి క్రితం హైదరాబాద్‌ చేరుకున్నారు. విదేశీ పర్యటనను ముగించుకుని బుధవారం ఉదయం శంషాబాద్ విమానాశ్రయానికి చేరుకున్నారు. ఈ సందర్బంగా బాబుకు పలువురు తెదేపా నాయకులు, కార్యకర్తలు ఘన స్వాగతం పలికారు. పూల గుచ్చులు ఇచ్చి శాలువాల తో సన్మానం చేశారు.
సీఎం అంటూ నినాదాలతో శంషాబాద్ విమానాశ్రయం మారుమోగిపోయింది. ఏపీలో ఎన్నికల ప్రచారం, పార్టీ వ్యవహారాలతో మొన్నటి వరకు బిజీగా గడిపిన చంద్రబాబు.. విశ్రాంతి కోసం ఈనెల 19న విదేశాలకు వెళ్లిన విషయం తెలిసిందే. శంషాబాద్ ఎయిర్ పోర్ట్ నుంచి నేరుగా హైదరాబాదులోని తన నివాసాయానికి బయలుదేరి వెళ్లారు.
