కరీంనగర్ జిల్లాలో పనిచేస్తున్న జర్నలిస్టు పిల్లల అందరికీ ప్రైవేటు పాఠశాలల్లో కళాశాలల్లో ఫీజులో రాయితీ కల్పించడానికి ఉత్తర్వులు జారీ చేస్తామని జిల్లా కలెక్టర్ ఆర్ వి కర్ణన్ అన్నారు… జర్నలిస్టు పిల్లల ఫీజు రాయితీ విషయమై టీయూడబ్ల్యూజే (H-143) జిల్లా అధ్యక్షుడు బోనాల మల్లికార్జున్ ఆధ్వర్యంలో బుధవారం జిల్లా కలెక్టర్ కు వినతి పత్రం అందజేశారు. ఈ సందర్భంగా జిల్లా కలెక్టర్ మాట్లాడుతూ… ఫీజులో రాయితీ పై రెండు రోజుల్లో ఉత్తర్వులు జారీ చేస్తామని హామీ ఇచ్చారు. అలాగే జర్నలిస్ట్ నివాస స్థలాల కేటాయింపుపై చర్చించగా త్వరలోనే సమావేశం ఏర్పాటు చేసి కేటాయింపు ప్రక్రియ పూర్తి చేస్తామని హామీ ఇచ్చారు.
ఈ సందర్భంగా జిల్లా అధ్యక్షుడు మల్లికార్జున్ మాట్లాడుతూ… ఫీజుల రాయితీ , నివేశన స్థలాల కేటాయింపుపై జిల్లా కలెక్టర్ సానుకూలంగా స్పందించటం పై ధన్యవాదాలు తెలిపారు. జర్నలిస్ట్ సమస్యలపై TUWJ (H-143) యూనియన్ ఎల్లప్పుడూ పోరాడుతుందని అన్నారు.ఈ కార్యక్రమం లో ప్రధాన కార్యదర్శి బోనాల తిరుమల్, టెంజు అధ్యక్షుడు విజయ భాస్కర్, ప్రధాన కార్యదర్శి సిరిసిల్ల హృషీకేష్ పాల్గొన్నారు.
