తెలుగు రాష్ట్రాలకు సంబంధించి హైదరాబాదులో ఏర్పాటైన యూఎస్ కాన్సులేట్ జనరల్ కార్యాలయం మరో చోటికి తరలిపోతోంది. ప్రస్తుతం యూఎస్ కాన్సులేట్ కార్యాలయం బేగంపేటలోని పైగా ప్యాలెస్ లో ఉంది. సర్వే నెం.115/1, ఫైనాన్షియల్ డిస్ట్రిక్ట్, నానక్ రామ్ గూడ, హైదరాబాద్, తెలంగాణ-500032. ఇదే తమ కొత్త అడ్రస్ అని అమెరికా దౌత్య వర్గాలు ఒక ప్రకటనలో పేర్కొన్నారు.
అయితే ఈ తరలింపు నేపథ్యంలో, ఈ నెల 15 నుంచి 20వ తేదీ ఉదయం 8.30 గంటల వరకు కాన్సులేట్ సేవలు అందుబాటులో ఉండవని అమెరికా దౌత్య వర్గాలు పేర్కొన్నాయి. కానీ ఈ నెల 15 వరకు బేగంపేట్ లోని పాత కార్యాలయంలో తమ సేవలు అందుబాటులో ఉంటాయని, 20 నుంచి నూతన కార్యాలయంలో తమ సేవలు అందుబాటులో ఉంటాయని అమెరికా దౌత్య వర్గాలు తెలిపారు.
