గో బ్యాక్ పోలీస్ అంటూ నినాదాలు…
అరెపల్లి పోచమ్మ దేవాలయం వద్ద ఉద్రిక్తత..
ల్యాండ్ పూలింగ్ జీఓ రద్దు చేయాలని డిమాండ్ చేస్తున్న రైతులకు మద్దతుగా వరంగల్ కు వచ్చిన తీన్మార్ మల్లన్నను వరంగల్ పోలీసులు అరెస్ట్ చేశారు. వరంగల్ జిల్లా అరెపల్లి రైతుల గ్రామసభకు తీన్మార్ మల్లన్న హాజరైనారు. ఈసందర్బంగా అయన మాట్లాడుతూ… ప్రభుత్వం తెచ్చిన జీఓ 80A ను ప్రభుత్వమే రద్దు చేసే వరకు పోరాటం చేయండి. దానికి నా పూర్తి మద్దతు .. మీకోసం ప్రబుత్వంతో కొట్లాడతా అని రైతులకు తన మద్దతు ప్రకటించారు. హైదరాబాద్ నుండి వరంగల్ వస్తున్న మల్లన్నను అడ్డుకునేందుకు పోలీసులు ఎంత నిర్బంధం విధించినా బైక్ పై అరెపల్లికి చేరుకొని రైతులకు భరోసా కల్పించారు.
అయితే, అరెపల్లి పోచమ్మ దేవాలయంలో రైతులతో మాట్లాడుతుండగా అక్కడికి చేరుకున్న పోలీసులు మల్లన్నను అరెస్ట్ చేస్తున్నట్లు ప్రకటించి, పొలిసు వాహనంలో తీసుకెళ్లారు. ఈక్రమంలో గ్రామస్తులకు పోలీసులకు వాగ్వాదనాలు జరిగాయి. మాకు మద్దతు ప్రకటించిన మల్లన్నను ఎలా అరెస్ట్ చేస్తారంటూ…రైతులు ఆందోళనలకు దిగారు. తీన్మార్ మల్లన్న ను అరెస్ట్ చేయడానికి పోచమ్మ దేవాలయం లోకి షూ బూట్లతో పోలీసులు రావడంతో తమ మనో భావాలు దెబ్బతిన్నాయి అంటూ ప్రజలు తిరగబడ్డారు.
